Մարտի 30-ին տեղի ունեցավ Ազգային ժողով-ՔՀԿ հարթակի հերթական հանդիպումը, որտեղ քննարկվեց «Կանայք, խաղաղություն և անվտանգություն» 1325 բանաձևի ՀՀ Գործողությունների ազգային (2019-2021 թ.թ.) ծրագիրը՝ հաշվի առնելով ԼՂ հակամարտությամբ պայմանավորված նոր իրավիճակը, ներառյալ հումանիտար ճգնաժամը, ինչպես նաև ռազմագերիների հիմնահարցը:
Հանդիպման մասնակցեցին Ազգային ժողովի պատգամավորներ, Կառավարության և պետական գերատեսչությունների պատասխանատուներ, ՄԻՊ գրասենյակի և Հայկական կարմիր խաչի ընկերության, քաղհասարակության, միջազգային կազմակերպությունների ներկայացուցիչներ, փորձագետներ և իրավաբաններ:
Հանդիպման արդյուքնում հավաքագրվեցին առաջարկներ ՀՀ Գործողությունների ազգային նոր ծրագրի գերակա ուղղությունների վերաբերյալ:
Նախաձեռնությունն իրականացվում է «Նոր Հայաստան՝ ժամանակակից խորհրդարան» ծրագրի շրջանակներում: ՄԱԿ-ի Զարգացման ծրագրի «Նոր Հայաստան՝ ժամանակակից խորհրդարան» ծրագիրը համաիրականացվում է ՕքսԵՋեն հիմնադրամի, Մարդկային զարգացման միջազգային կենտրոնի, Ժողովրդավարության Վեսթմինսթր հիմնադրամի հետ՝ ՀՀ Ազգային ժողովի համագործակցությամբ: Ծրագիրն իրականացվում է Միացյալ Թագավորության «Լավ կառավարման հիմնադրամի» և Շվեդիայի կառավարության ֆինանսական օժանդակությամբ։
