Փոխըմբռնման հուշագրի ստորագրում
2019 թ․, Մարտի 8
ԱԺ-ՔՀԿ համագործակցության հարթակի ստեղծումն ազդարարվեց 2019 թվականի
մարտի 8-ին՝ ՀՀ ԱԺ Ոսկեզօծ դահլիճում
Ազգային ժողովի և կանանց հիմնախնդիրներով զբաղվող ՀԿ-ների ներկայացուցիչների միջև
փոխըմբռնման հուշագրի ստորագրմամբ:
մարտի 8-ին՝ ՀՀ ԱԺ Ոսկեզօծ դահլիճում
Ազգային ժողովի և կանանց հիմնախնդիրներով զբաղվող ՀԿ-ների ներկայացուցիչների միջև
փոխըմբռնման հուշագրի ստորագրմամբ:
Հարթակը կոչված է ապահովելու շատ կարևոր մշտական կապը ՀԿ-ների հետ, որոնք գործնականում տեսնում են խնդիրները և, կարծում եմ, ունեն դրանց լուծումները նախանշելու փորձագիտական ներուժը: Այլ կերպ ասած, ՀԿ-ներն ունեն անհրաժեշտ գիտելիք, փորձ, իսկ պատգամվորներն ունեն լծակներ և պատրաստակամություն` փոփոխություն անելու համար:
Լենա Նազարյան
ՀՀ ԱԺ փոխնախագահ
ԱԺ-ի հետ համագործակցության նման հարթակի ստեղծումը, կարծում եմ, աննախադեպ էր: Այն տրամաբանական շարունակությունն է մինչ այդ իրականացված ծրագրերի և քայլերի: Շատ կարևոր էր ընտրված պահը, երբ քաղհասարակության համար կային հարթակը ստեղծելու նպաստավոր դաշտ ու պայմաններ, և կար քաղաքական կամք Ազգային ժողովի կողմից:
Մարգարիտա Հակոբյան
ՕքսԵՋեն հիմնադրամի տնօրեն
Փոխըմբռնման հուշագրի նպատակն է ստեղծել համագործակցության հարթակ՝ ՀՀ օրենսդիր իշխանության և քաղաքացիական հասարակության ներկայացուցիչների միջև՝ կանանց և տղամարդկանց իրավունքների և հնարավորությունների իրական հավասարությունն ապահովելու ուղղությամբ ջանքերը համատեղելու համար:
Փոխըմբռնման հուշագրի հիմնական դրույթները.
1
Կողմերը պատրաստակամ են իրենց իրավասության շրջանակում ապահովել քաղաքացիական հասարակության մասնակցությունը օրենսդրական նախաձեռնություններին՝ ուղղված քաղաքական, տնտեսական և սոցիալական ոլորտներում կանանց իրավազորմանը, ինչպես նաև կանանց և տղամարդկանց հավասար իրավունքների և հավասար հնարավորությունների խթանմանը:
2
Կողմերը համաձայն են սահմանված պարբերականությամբ իրականացնել համատեղ հանրային միջոցառումներ` խթանելու երկրի զարգացման գործընթացներում կանանց և տղամարդկանց հավասար մասնակցությունը:
3
Կողմերը պատրաստ են խորհրդակցել «Կանանց օրակարգ` հանուն զարգացման» փաստաթղթում զետեղված և ընդհանուր հետաքրքրություն ներկայացնող այլ հիմնախնդիրների շուրջ, ինչպես նաև քննարկել միասնաբար իրականացվող գործողությունների կատարման ընթացքը՝ ծրագրելով հետագա համատեղ գործողությունները:
Կարդալ ավելին
