Խորհրդարանների ղեկավար կազմը

Խորհրդարանների ղեկավար կազմը

Կանանց ներկայացվածությունը խորհրդարանների ղեկավար կազմում քաղաքական որոշումների ընդունման վրա նրանց ազդեցության կարևոր չափանիշ է:

Աշխարհի խորհրդարաններում՝

խոսնակի պաշտոն է զբաղեցնում 58 կին, ինչը 20.9% է կազմում:
փոխխոսնակի պաշտոնում 165 կին կա, ինչը 28.3% է կազմում:

ՀՀ Ազգային ժողովում`

1995 թ.-ից խորհրդարանի նախագահի պաշտոնը երբևիցե կին չի զբաղեցրել:
2007 թ.-ից սկսած՝ փոխխոսնակներից մեկը մշտապես կին է եղել, սակայն 8-րդ գումարման խորհրդարանում երեք փոխխոսնակների թվում կանայք չկան:

Աղբյուրը՝ Parliament.am

I. Կանայք Ազգային ժողովի ղեկավար կազմում

Ի դեպ

ՀՀ Ազգային ժողովի 7-րդ գումարման սկզբից ԱԺ խորհրդի կազմում 4 կին էր ընտրվել, սակայն 2021 թվականի մայիսի դրությամբ ԱԺ խորհրդի կազմում ընդամենը 2 կին էր:

Կանանց ներկայացվածության շարժընթացը Ազգային ժողովի ղեկավար կազմում
2012- 2021 թթ.

Ի դեպ

ՀՀ Ազգային ժողովի 8-րդ գումարման կազմում կանանց 34 % ներկայացվածության համեմատ կանանց թիվը խորհրդարանի ղեկավար կազմում անհամաչափ ցածր է. կանայք ընդամենը 10.5 % -ով են ներկայացված ԱԺ խորհրդի կազմում:

կարդալ ավելին

II. Կոչ ՀՀ Ազգային ժողովում ներկայացված քաղաքական ուժերին

2021թ. հունիսի 20-ին կայացած արտահերթ խորհրդարանական ընտրություններից հետո Ազգային ժողով-ՔՀԿ հարթակին անդամակցող քաղաքացիական հասարակության կազմակերպությունները դիմել էին 8-րդ գումարման Ազգային ժողովում ներկայացված քաղաքական ուժերին՝ կոչով՝ ապահովել արհեստավարժության, արդարության և հավասարության սկզբունքների վրա հիմնված կառավարման համակարգ:

«

Հիմք ընդունելով,

որ կանանց և տղամարդկանց հավասար իրավունքների և հնարավորությունների ապահովման պահանջը բխում է ՀՀ Սահմանադրությունից, ՀՀ գենդերային քաղաքականության հայեցակարգից և դրա շրջանակներում ընդունված օրենքներից ու ծրագրերից, ինչպես նաև մաս է կազմում Հայաստանի Հանրապետության կողմից ստանձնած միջազգային պարտավորությունների,

Ի նկատի ունենալով,

որ երկրի կառավարման ոլորտում արհեստավարժ ընտրանու ձևավորումը պետք է իրականացվի մրցակցային ու թափանցիկ գործընթացի արդյունքում և ապահովի հասարակության մասնագիտական ներուժի արդյունավետ օգտագործումը,

Հաշվի առնելով,

որ կանանց ոչ բավարար ներկայացվածությունն որոշումների կայացման մակարդակում՝ արդարության և ժողովրդավարության սկզբունքների խախտում է հանդիսանում՝

ԿՈՉ ԵՆՔ ԱՆՈՒՄ

Ձևավորել 8-րդ գումարման Ազգային ժողովի Խորհուրդը և նոր Կառավարությունը՝ կանանց և տղամարդկանց հավասար ընդգրկվածությամբ՝ ապահովելով արհեստավարժության և ոլորտային մասնագիտացման չափանիշները:

»

ԿՈՉՆ ԱՄԲՈՂՋՈՒԹՅԱՄԲ՝ ԱՅՍՏԵՂ

Ինչո՞ւ Է ԴԱ ԿԱՐԵՎՈՐ

Քաղաքական որոշումների կայացման գործընթացներում կանանց ու տղամարդկանց հավասար մասնակցությունը կարևոր է, քանի որ.

Երկրի կայուն զարգացման կարևոր նախապայման է,

Բարձրացնում է քաղաքական որոշումների լեգիտիմությունն ու կառավարման արդյունավետությունը,

Նպաստում է որոշումների կայացման առավել ժողովրդավար մշակույթի ձևավորմանը,

Հիմքեր է ստեղծում սոցիալապես ավելի արդար հասարակության համար,

Հանգեցնում է պետական քաղաքականության հումանիզացմանը, քաղաքական օրակարգն ավելի մարդակենտրոն և զգայուն դարձնում հասարակության բոլոր անդամների կարիքների նկատմամբ,

Նպաստում է կադրային քաղաքականության կատարելագործմանը, կառավարման ոլորտում գիտելիքահեն չափանիշների, հաշվետվողականության ու թափանցիկության սկզբունքների ներդրմանը, կոռուպցիայի նվազեցմանը,

Նորարարության և փոփոխությունների գրավական է:

կարդալ ավելին

Կանանց ներկայացվածությունը խորհրդարաններում

Նախորդ էջ

Կին պատգամավորների գործունեության համեմատական գնահատում

Հաջորդ էջ